Déanfar do chuid sonraí a stóráil agus a chosaint faoi mar a léirítear thíos:
Féadfaidh Gníomhaireachtaí Náisiúnta agus an Coimisiún Eorpach do chuid sonraí (e.g. an tír don tsoghluaisteacht, tréimhse na soghluaisteachta, etc.) a úsáid chun críocha monatóireachta agus staidrimh.
Comhlíonann an méid sin Rialachán (CE) Uimh. 45/2001 [234 KB] ó Pharlaimint na hEorpa agus ón gComhairle, an 18 Nollaig 2000. Maidir leis na suíomhanna gréasáin a mbíonn an t-eolas sin á iarraidh acu, caitheann siad leis de réir an bheartais a ndéantar cur síos air sa Rialachán atá luaite thuas i ráitis shonracha maidir leis an mbeartas príobháideachais. Tá an ráiteas maidir leis an mbeartas príobháideachais atá ag OLS le fáil sa chuid don rannpháirtí. Beidh ort an beartas príobháideachais a léamh agus glacadh leis le bheith in ann leanúint le do chlárú ar shuíomh gréasáin Erasmus+ OLS.
Ina theannta sin, maidir leis na sonraí uile a bhaineann le rannpháirtithe shoghluaisteacht Erasmus + - de réir théarmaí agus choinníollacha an chonartha idir an EACEA agus an soláthraí seirbhíse – beidh na sonraí sin ina maoin de chuid an AE i gcónaí agus ní fhéadfaidh an soláthraí seirbhíse iad a úsáid ná a dháileadh.
Ar deireadh, ní chuirfear aon réiteach néalríomhaireachta i bhfeidhm agus déanfar na sonraí a stóráil i bhfreastalaithe príobháideacha.